Ապրիլի 3-ին Հայաստանի Ներդրումային Խորհրդի (Investment Council of Armenia) նախաձեռնությամբ և Հայաստանի Հաշվապահների Ասոցիացիայի աջակցությամբ Ծաղկաձորի «Արարատ Ռեզորտ» հյուրանոցում տեղի ունեցավ «Աջակցության նոր ծրագրեր և շրջանառության հարկի փոփոխություններ. Ինչ է պետք իմանալ» իրազեկման արշավի հերթական հանդիպումը

    03.04.2025

    On April 3, another meeting within the awareness campaign titled “New Support Programs and Turnover Tax Changes: What You Need to Know” was held at the "Ararat Resort" hotel in Tsaghkadzor

    Ապրիլի 3-ին Հայաստանի Ներդրումային Խորհրդի (Investment Council of Armenia) նախաձեռնությամբ և Հայաստանի Հաշվապահների Ասոցիացիայի աջակցությամբ Ծաղկաձորի «Արարատ Ռեզորտ» հյուրանոցում տեղի ունեցավ «Աջակցության նոր ծրագրեր և շրջանառության հարկի փոփոխություններ. Ինչ է պետք իմանալ» իրազեկման արշավի հերթական հանդիպումը:
    Հանդիպման նպատակը Կոտայքի մարզի ՓՄՁ ընկերությունների ներկայացուցիչներին փոխվարչապետ Տիգրան Խաչատրյանի գլխավորությամբ գործող ՓՄՁ պետություն-մասնավոր երկխոսության հարթակի շրջանակներում մշակված աջակցության ծրագրերը, օրենսդրական բարեփոխումները և դրանցից օգտվելու ընթացակարգերը ներկայացնելն էր, ինչպես նաև շրջանառության հարկի փոփոխություններին ծանոթացնելը:
    Հանդիպմանը մասնակցում էին տարածաշրջանի շուրջ հինգ տասնյակ բիզնեսի ներկայացուցիչներ, ֆինանսիստներ և հաշվապահներ։
    Հանդիպման ընթացքում քննարկվեցին հետևյալ թեմաները`

    • Արտադրությամբ զբաղվող ընկերությունների աջակցության ծրագիր` եկամտային հարկի վերադարձ,
    •  0-4% սուբսիդավորվող վարկեր սարքավորումներ գնելու համար,
    • ՀԴՄ կանոնների խախտման հետևանքով առաջացող տուգանքների դիֆերենցացված մոդել,
    • Անհուսալի դեբիտորական պարտքի շեմի բարձրացում,
    • Պետական գնումների մասնակցող բիզնեսին նոր հնարավորություն` հաղթելուց հետո ստանալ գումարը միանգամից ֆակտորինգով բանկից։

    Հանդիպման երկրորդ հատվածում Ասոցիացիայի Խորհրդի անդամ Գոհար Փարսադանյանը ներկայացրեց շրջանառության հարկի փոփոխությունները, պատասխանեց ներկաների հարցերին, ապա կլոր սեղան ձևաչափով քննարկվեցին և քարտեզագրվեցին արդի օրենսդրական խնդիրները։
    Հայաստանի Հաշվապահների Ասոցիացիան մշտապես մասնակցելու է տարածաշրջանային իրազեկման հանդիպումների` բիզնեսի ներկայացուցիչներին աջակցելու և նրանց հուզող հարցերին պարզաբանումներ տալու նպատակով։

    Կիսվել սոց․ ցանցերում