Հարգելի գործընկերներ․
ՀՀ Կառավարության որոշմամբ սահմանվել է «Վերամշակում՝ մաքսային տարածքում», «Վերամշակում՝ մաքսային տարածքից դուրս» և «Վերամշակում՝ ներքին սպառման համար» մաքսային ընթացակարգերով ձևակերպված ապրանքների հաշվառման կարգը:
Մասնավորապես սահմանվել է, որ հայտարարատուները ապրանքների վերամշակման համար սահմանված ժամկետների սահմաններում վերամշակման մաքսային ընթացակարգերով ձևակերպված ապրանքների և այդպիսի ապրանքների վերամշակման արդյունքների վերաբերյալ էլեկտրոնային եղանակով հաշվետվություն են ներկայացնելու այն մաքսային մարմին, որը տրամադրել է վերամշակման թույլտվությունը։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։