Ուսումնական հաստատություններ
Հայաստանի Հաշվապահների Ասոցիացիան, հավատարիմ մնալով մարդկային ռեսուրսներին վերաբերվող իր որդեգրած կարգախոսին, այն է` «Ազգային հարստությունը ոչ թե բնական պաշարներն են, այլ` կրթoջախները», համագործակցում է ՀՀ ուսումնական բազմաթիվ հաստատությունների հետ` կնքելով համագործակցության հուշագրեր։
Համագործակցության շրջանակներում ուսումնական հաստատությունների ուսանողներին հնարավորություն է տրվում անցնելու ուսումնական պրակտիկաներ Ասոցիացիայի գործընկեր հաշվապահական գրասենյակներում` կատարելագործելով ունեցած տեսական գիտելիքները և հնարավորություն ունենալով դրանք կիրառել պրակտիկայում։ Ուսանողներին հնարավորություն է տրվում նաև ուսման ընթացքում ոչ լրիվ աշխատաժամանակով աշխատել Ասոցիացիայի գործընկեր հաշվապահական գրասենյակներում։
Ասոցիացիան տրամադրում է նաև ուսումնական կրթաթոշակներ՝ լավագույն ուսանողների համար:
Ուսանողների համար պարբերաբար կազմակերպվում են նաև բաց դասեր` «ՀԱՄ-ով ուսանողներ» խորագրով։
ՀԱՄ-ով ուսանող - «Հաջողակ Անձի Մտածելակերպ» - ով ուսանող։
Բաց դասերը վարում է Ասոցիացիայի նախագահ, տնտեսագիտության թեկնածու Վահագն Համբարձումյանը:
«ՀԱՄ-ով ուսանողներ» շարքի հիմնական նպատակն է կրթօջախներում բացահայտել իրական ազգային հարստություն հանդիսացող տաղանդավոր ուսանողներին և հնարավորություն տալ փորձ ձեռք բերելու և աշխատելու ոլորտի փորձառու մասնագետների կողքին։