Շուրջ 30 տարի է, ինչ Գորիսում գործում է «Համագործակցության Կամար» ԲՀԿ–ի բարեգործական ճաշարանը, որը հիմա վերածվել է «Տարեցների ցերեկային խնամքի կենտրոն»–ի: 
Կազմակերպությունն իր գործունեության ընթացքում շատ գործընկերներ է ունեցել: Արդեն 7 տարի է, ինչ մեր լավագույն գործընկերների շարքն է լրացնում հաշվապահական գրասենյակը ։
Առնչվելով քաղաքի անապահով խավի հետ, անկախ քեզանից տխրություն է իջնում հոգուդ վրա: Բայց, երբ պետք է առնչվեմ՝ աշխատանքի բերումով, գրասենյակի աշխատակազմի հետ, երբեք առիթը բաց չեմ թողնում: Այնպիսի թեթևությամբ եմ բարձրանում երրորդ հարկում գտնվող գրասենյակը, որովհետև գիտեմ, որ այնտեղ ինձ դիմավորում են ժպտադեմ, հաճելի, բարեկիրթ ու դրական էմոցիաներ պարգևող մի ամբողջ կոլեկտիվ: Դուք իրականացնում եք բարձրակարգ սպասարկում: Ձեզ հետ աշխատելը պարզապես հաճույք է:        
Իմ խորին շնորհակալությունն եմ հայտնում ձեր բարեխիղճ ու ազնիվ  աշխատանքի և հասկացողության համար:
Դուք թիմ եք, ովքեր գիտեն, թե ինչպես հասկանալ և աջակցել, աշխատել, կիսել ուրախությունը և պահպանել լավ ժպիտների մթնոլորտը:
Մաղթում եմ ձեր ողջ թիմին առողջություն, հաջողություն, բարեկեցություն, եռանդ, լավ տրամադրություն և, իհարկե, ընկերության հետագա բարգավաճում:
Հարգանքով՝ «Համագործակցության կամար» ԲՀԿ-ի նախագահ՝ Կարինե Ավետիսյան։