Տեղի ունեցավ ՓՄՁ Զարգացման Ենթախորհրդի 37-րդ նիստը

    26.11.2025

    Նոյեմբերի 26-ին ՀՀ էկոնոմիկայի նախարար, ՓՄՁ Զարգացման Ենթախորհրդի նախագահ Գևորգ Պապոյանի գլխավորությամբ տեղի ունեցավ ՓՄՁ Զարգացման Ենթախորհրդի 37-րդ նիստը:
    Նիստին մասնակցում էր նաև Հայաստանի Հաշվապահների Ասոցիացիայի նախագահ Հերմինե Թովմասյանը։
    Օրակարգում ներառված էր երկու հարց`

    • հարկման այլընտրանքային համակարգից հիմնական համակարգ անցած, սակայն որպես ԱԱՀ վճարող հաշվառվելու մասին հայտարարությունը չներկայացրած հարկ վճարողների կողմից ԱԱՀ-ի դեբետային գումարների օգտագործման հնարավորություն ստանալու վերաբերյալ,
    • գործարքի ճշգրտման արդյունքում նախկինում ավել հայտարարագրված հարկի գումարը նվազեցնելու հետ կապված վարչարարությունը պարզեցնելու վերաբերյալ։

    Ելույթներով հանդես եկան ՀՀ ՊԵԿ և ՀՀ Ֆինանսների նախարարության ներկայացուցիչները։ Մասնակիցներն իրենց դիրքորոշումը հայտնեցին հարցերի շուրջ։
    Ելույթով հանդես եկավ նաև Հայաստանի Հաշվապահների Ասոցիացիայի նախագահ Հերմինե Թովմասյանը:

    Կիսվել սոց․ ցանցերում