Անապահով ճանաչված ընտանիքի աշխատունակ անձանց համար տրամադրվող նոր աջակցության ծրագրի մասին

Հարգելի գործընկերներ.
ՀՀ կառավարության որոշմամբ 2025 թվականի հունիսի 13-ից սահմանվել է աջակցության տրամադրման նոր ծրագիր՝ անապահովության գնահատման համակարգով անապահով ճանաչված ընտանիքի աշխատունակ անձանց համար ուսուցման դասընթացի կազմակերպման, աշխատանքային փորձ ձեռք բերելու և զբաղվածության ապահովման համար։ Ծրագրի շրջանակում առաջարկվում են աջակցության մի քանի ուղղություններ, որոնց դեպքերում գործատուին վճարվում է ուսման վարձի փոխհատուցում կամ տրամադրվում է փոխհատուցում՝ շահառուի աշխատավարձի վճարման կամ միայն շահառուի աշխատավարձից և դրան հավասարեցված վճարումներից հաշվարկվող եկամտային հարկի, դրոշմանիշային վճարի և օրենքով սահմանված դեպքերում`սոցիալական վճարի վճարման համար։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։