Անձանց փոխկապակցված ճանաչելու մասին հարկային մարմնի ղեկավարի որոշման ծանուցման և ուժի մեջ մտնելու ընթացակարգի փոփոխության մասին

Հարգելի գործընկերներ.
ՀՀ ՊԵԿ նախագահի հրամանով փոփոխություններ են կատարվել ՀՀ ՊԵԿ նախագահի 2018 թվականի փետրվարի 15-ի N 65-Ն հրամանում, որով, մասնավորապես, սահմանվել է, որ երրորդ անձից (այդ թվում` պետական մարմնից) ստացված կամ օպերատիվ-հետախուզական գործողությունների արդյունքում ձեռք բերված տեղեկությունների հիման վրա անձանց ընդհանուր տնտեսական շահերից ելնելով համաձայնեցված գործելու հիմքով փոխկապակցված ճանաչելու մասին որոշումն ընդունվելուց հետո այն կազմող ստորաբաժանման կողմից մեկ աշխատանքային օրվա ընթացքում տեղադրվում է հարկային մարմնի հաշվետվությունների ներկայացման էլեկտրոնային կառավարման համակարգի հարկ վճարողի անձնական էջում և ուժի մեջ է մտնում հարկ վճարողին հանձնված համարվելու օրվան հաջորդող օրվանից: Փոփոխություններն ուժի մեջ են մտնելու 2025 թվականի հունվարի 1-ից:
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։