Բանկից ստացվող շահաբաժիններից շահութահարկի հաշվարկման կարգում կատարված փոփոխությունների մասին

Հարգելի՛ գործընկերներ.
ՀՀ հարկային օրենսգրքում կատարված փոփոխությունների համաձայն սահմանվել է, որ բանկերի թողարկած և ՀՀ կառավարության սահմանած ցանկում ներառված ֆոնդային բորսաներում չցուցակված բաժնետոմսերից կամ բանկի բաժնեհավաք կամ փայահավաք կապիտալում բաժնեմասից, փայաբաժնից ռեզիդենտ կազմակերպությունների կողմից ստացվող շահաբաժիններից 2027 թվականի փետրվարի 1-ից հաշվարկվելու է շահութահարկ՝ 15 տոկոսի չափով, որը հաշվարկելու և պահելու է հարկային գործակալը` բանկը։ Միաժամանակ «Պետական տուրքի մասին» ՀՀ օրենքում կատարված փոփոխության համաձայն 2026 թվականի հուլիսի 30-ից և մինչև 2027 թվականի հունվարի 31-ը ներառյալ շահաբաժին վճարելու կամ շահաբաժնի բաշխման որոշում ընդունելու համար սահմանվել է պետական տուրք։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։