Բարձր վարչական տուգանքներ՝ ֆինանսական հաշվետվությունների հրապարակման, ինչպես նաև կազմակերպության գլխավոր հաշվապահին ներկայացվող պահանջները խախտելու դեպքերում

Հարգելի գործընկերներ․
Վարչական իրավախախտումների վերաբերյալ ՀՀ օրենսգրքում կատարված փոփոխությունների համաձայն՝ 2025 թվականի ապրիլի 11-ից կտրուկ բարձրացվել են ֆինանսական հաշվետվությունները օրենսդրությամբ սահմանված դեպքերում կամ ժամկետներում չներկայացնելու կամ չհրապարակելու կամ ֆինանսական հաշվետվությունները կամ ֆինանսական հաշվետվությունների հրապարակման ինտերնետային կայքի հղումը (հասցեն) չտրամադրելու դեպքերի համար սահմանված վարչական պատասխանատվության չափերում: Վարչական տուգանքի առավելագույն չափ է սահմանվել 4 500 000 դրամը, նախկինում սահմանված՝ 500 000 դրամի փոխարեն: Բարձրացվել է նաև կազմակերպությունում օրենսդրությամբ սահմանված պահանջները չբավարարող գլխավոր հաշվապահի աշխատանքի ընդունելու դեպքում վարչական պատասխանատվության չափերը:
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։