Հարկման հատուկ համակարգերին վերաբերող փաստաթղթերի ձևերում կատարված փոփոխությունների մասին

Հարգելի գործընկերներ.
ՀՀ ՊԵԿ նախագահի համապատասխան հրամաններով փոփոխություններ են կատարվել շրջանառության հարկ վճարող համարվելու վերաբերյալ հայտարարության, միկրոձեռնարկատիրության սուբյեկտ համարվելու վերաբերյալ հայտարարության, ինչպես նաև միկրոձեռնարկատիրության սուբյեկտի իրացման շրջանառության վերաբերյալ հաշվետվության ձևերում: Փոփոխությունները նպատակ ունեն նշված փաստաթղթերի ձևերը համապատասխանեցնել ՀՀ հարկային օրենսգրքի փոփոխված դրույթների պահանջներին և ուժի մեջ են մտնելու 2025 թվականի հունվարի 1-ից:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։