Հաշմանդամություն ունեցող անձանց և 63-ից բարձր տարիք ունեցող անձանց զբաղվածության ապահովման ծրագրի մասին

Հարգելի՛ գործընկերներ.
ՀՀ կառավարության որոշմամբ՝ 2027 թվականի հունվարի 1-ից կմեկնարկի հաշմանդամություն ունեցող և 63 տարին լրացած անձանց զբաղվածության ապահովման ծրագիրը։ Այն կտարածվի մինչև 2027 թվականի դեկտեմբերի 30−ը կնքվող աշխատանքային պայմանագրերի վրա։ Ծրագրից կարող են օգտվել որոշմամբ սահմանված պահանջներին համապատասխանող այն գործատուները, ովքեր 1-ին կամ 2-րդ խմբի հաշմանդամություն ունեցող, ինչպես նաև 63 տարեկանից բարձր անձանց հետ կնքել են 3-6 ամիս ժամկետով աշխատանքային պայմանագիր։ Գործատուին կտրամադրվի նշված անձանց աշխատավարձից հաշվարկված և վճարված եկամտային հարկի 50-100 տոկոսի չափով փոխհատուցում, ինչպես նաև միանվագ աջակցություն՝ 100 000 դրամի չափով՝ փոխհատուցման տրամադրումից հետո աշխատանքային հարաբերությունները ևս մեկ տարի շարունակվելու դեպքում։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։