ՀՀ հարկային օրենսգրքի դրույթները

2022 թվականի հուլիսի 9-ին ՀԱՅԱՍՏԱՆԻ ՀԱՇՎԱՊԱՀՆԵՐԻ ԱՍՈՑԻԱՑԻԱՆ հյուրընկալել էր հարկային ոլորտի ճանաչված փորձագետ, ՀԱՇՎԱՊԱՀՆԵՐԻ ԵՎ ԱՈՒԴԻՏՈՐՆԵՐԻ ՈՒՍՈՒՄՆԱԽՈՐՀՐԴԱՏՎԱԿԱՆ ԿԵՆՏՐՈՆԻ ղեկավար Վախթանգ Միրումյանին:
Սեմինարը հագեցած էր թեժ քննարկումներով ու մտագրոհներով:
Պարոն Միրումյանը Ասոցիացիայի անդամ հաշվապահներին ներկայացրեց ՀՀ Հարկային օրենսգրքի ներքոնշյալ դրույթները.

• Հարկային հաշիվների և ճշգրտող հարկային հաշիվների դուրսգրումը (հոդված 66),
• Հարկային հաշիվների դուրսգրման սահմանափակումները (հոդված 67),
• Հարկային հաշիվների վավերացումը (հոդված 68),
• Հաշվետու ժամանակաշրջանը (հոդված 69),
• Պետական բյուջե վճարման ենթակա ավելացված արժեքի հարկի գումարի հաշվարկման կարգը (հոդված 70),
• Ավելացված արժեքի հարկի հաշվանցումների (պակասեցումների) իրականացման կարգը (հոդված 71),
• Հաշվանցումների (պակասեցումների) կատարման սահմանափակումները (հոդված 72):

Ասոցիացիայի անդամ հաշվապահները ստացան իրենց հուզող օրենսդրական հարցերի պատասխանները, մեկնաբանվեցին մի շարք վիճահարույց դրույթներ:
Սեմինարին հեռավար ռեժիմով մասնակցեցին նաև Ասոցիացիայի մարզային անդամ հաշվապահները: