ՀՀ հարկային օրենսգրքի դրույթները

2022 թվականի ապրիլի 9-ին ՀԱՅԱՍՏԱՆԻ ՀԱՇՎԱՊԱՀՆԵՐԻ ԱՍՈՑԻԱՑԻԱՆ հյուրընկալել էր հարկային ոլորտի ճանաչված փորձագետ, ՀԱՇՎԱՊԱՀՆԵՐԻ ԵՎ ԱՈՒԴԻՏՈՐՆԵՐԻ ՈՒՍՈՒՄՆԱԽՈՐՀՐԴԱՏՎԱԿԱՆ ԿԵՆՏՐՈՆԻ ղեկավար Վախթանգ Միրումյանին:
Սեմինարը հագեցած էր թեժ քննարկումներով ու մտագրոհներով:
Պարոն Միրումյանը Ասոցիացիայի անդամ հաշվապահներին ներկայացրեց Հարկային օրենսգրքի ներքոնշյալ դրույթները.

• Շահութահարկի նվազեցումը (հոդված 127),
• Հաշվետու ժամանակաշրջանը (հոդված 129),
• Պետական բյուջե վճարման ենթակա շահութահարկի գումարի հաշվարկման կարգը (հոդված 130),
• Պետական բյուջեից փոխհատուցման ենթակա շահութահարկի գումարի հաշվարկման կարգը (հոդված 131),
• Շահութահարկը հաշվարկելը և պահելը հարկային գործակալի կողմից (հոդված 132),
• Մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի հաշվարկման առանձնահատկությունները (հոդված 133),
• Շահութահարկի հաշվարկների ներկայացումը (հոդված 134),
• Շահութահարկի կանխավճարները (հոդված 135),
• Շահութահարկի գումարի վճարումը (հոդված 136),
• Անվճարունակ ճանաչման և (կամ) լուծարման գործընթացում գտնվող ռեզիդենտ շահութահարկ վճարողների կողմից շահութահարկի գումարի վճարման առանձնահատկությունները (հոդված 137),
• Շահութահարկի գումարի մուտքագրումը միասնական հաշվին (հոդված 138)։

Ասոցիացիայի անդամ հաշվապահները ստացան իրենց հուզող օրենսդրական հարցերի պատասխանները, մեկնաբանվեցին մի շարք վիճահարույց դրույթներ:
Սեմինարին հեռավար ռեժիմով մասնակցեցին նաև Ասոցիացիայի մարզային անդամ հաշվապահները: