ՀՀ հարկային օրենսգրքի վերջին փոփոխությունները

2023 թվականի հունիսի 24-ին ՀԱՅԱՍՏԱՆԻ ՀԱՇՎԱՊԱՀՆԵՐԻ ԱՍՈՑԻԱՑԻԱՆ հյուրընկալել էր հարկային ոլորտի ճանաչված փորձագետ, ՀԱՇՎԱՊԱՀՆԵՐԻ ԵՎ ԱՈՒԴԻՏՈՐՆԵՐԻ ՈՒՍՈՒՄՆԱԽՈՐՀՐԴԱՏՎԱԿԱՆ ԿԵՆՏՐՈՆԻ ղեկավար Վախթանգ Միրումյանին:
Սեմինարը հագեցած էր թեժ քննարկումներով ու մտագրոհներով:
Պարոն Միրումյանը Ասոցիացիայի անդամ հաշվապահներին ներկայացրեց ՀՀ Հարկային օրենսգրքի` ստորև նշված վերջին փոփոխությունները.

• Ավելացված արժեքի հարկով հարկման բազայի որոշման առանձնահատկությունները (հոդված 62),
• Եկամուտ չհամարվող տարրերը (հոդված 108),
• Եկամտի առանձին տեսակների հաշվառման առանձնահատկությունները (հոդված 109),
• Ծախս չհամարվող տարրերը (հոդված 112),
• Ծախսերի առանձին տեսակների հաշվառման առանձնահատկությունները (հոդված 121),
• Գրավ դրված գույքի օտարումից ստացվող եկամուտը (հոդված 146),
• Նվազեցվող եկամուտները (նվազեցումները) (հոդված 147)։

Ասոցիացիայի անդամ հաշվապահները ստացան իրենց հուզող օրենսդրական հարցերի պատասխանները, մեկնաբանվեցին մի շարք վիճահարույց դրույթներ:
Սեմինարին հեռավար ռեժիմով մասնակցեցին նաև Ասոցիացիայի մարզային անդամ հաշվապահները: