Կամավոր աշխատանքի ժամանակահատվածն աշխատանքային փորձառություն համարելու ընթացակարգի վերաբերյալ

Հարգելի գործընկերներ.
ՀՀ աշխատանքի և սոցիալական հարցերի նախարարի հրամանով սահմանվել է կամավոր աշխատանքի ժամանակահատվածն աշխատանքային փորձառություն համարելու վերաբերյալ տեղեկանքի կամ երաշխավորագրի տրամադրման կարգը, որի համաձայն՝ կազմակերպության կողմից կամավորի վերաբերյալ տվյալները «Աշխատանքի էլեկտրոնային բորսա» հարթակում լրացնելուց հետո, տեղեկանքն ինքնաշխատ տարբերակով ներբեռնվելու է։
Նշված կարգն ուժի մեջ է մտնում 2024 թվականի հուլիսի 1-ից և տարածվում է 2023 թվականի հոկտեմբերի 13-ից հետո ծագած հարաբերությունների վրա։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։