Մշակութային աճուրդների կազմակերպման օրենսդրական կարգավորումների մասին

Հարգելի գործընկերներ.
2025 թվականի հոկտեմբերի 16-ից ուժի մեջ է մտել «Մշակութային աճուրդների կազմակերպման մասին» ՀՀ օրենքը, որով օրենսդրական կարգավորումներ են սահմանվել մշակութային արժեքների և մշակութային նշանակության առարկաների աճուրդների կազմակերպման ոլորտում: Մասնավորապես, մշակութային աճուրդների կազմակերպման և մշակութային աճուրդի տների գործունեությունները սահմանվել են որպես լիցենզավորման ենթակա գործունեության տեսակներ։
Մշակութային աճուրդների կազմակերպման գործունեության լիցենզավորման պահանջը ուժի մեջ է մտնելու 2026 թվականի հուլիսի 7-ից։
Համապատասխան փոփոխություններ և լրացումներ են կատարվել նաև «Լիցենզավորման մասին» և «Պետական տուրքի մասին» ՀՀ օրենքներում։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։