Պետական միասնական գրանցամատյանում չգրանցված տնտեսվարողների պետական գրանցման ճանաչման և նրանց կողմից դրամական միջոցների օգտագործման մասին

Հարգելի գործընկերներ․
2024 թվականի հունիսի 25-ից ուժի մեջ են մտել «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում կատարված փոփոխությունները և լրացումները, որոնցով, մասնավորապես, գործակալության տեղեկատվական համակարգում ներառված, սակայն պետական միասնական գրանցամատյանում չգրանցված իրավաբանական անձանց և անհատ ձեռնարկատերերի կողմից իրենց պետական գրանցման ճանաչման համար դիմումների ներկայացման վերջնաժամկետ է սահմանվել 2024 թվականի դեկտեմբերի 1-ը: Միաժամանակ, սահմանվել է, որ գործակալության տեղեկատվական համակարգում ներառված այն իրավաբանական անձանց, որոնց վերաբերյալ պետական միասնական գրանցամատյանում գրառումներ առկա չեն, Հայաստանի Հանրապետության առևտրային բանկերում բացված բանկային հաշիվներում առկա դրամական միջոցները Կառավարության սահմանած կարգով և ժամկետներում կարող են ուղղվել սոցիալական բնույթի ծախսերի ֆինանսավորմանը այդ իրավաբանական անձանց՝ տեղեկատվական համակարգում արտացոլված գործադիր մարմնի ղեկավարի կողմից:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։