Փոփոխություն՝ անասնաբուծության խթանման ծրագրում

Հարգելի գործընկերներ․
ՀՀ կառավարության որոշմամբ փոփոխություններ են կատարվել «Խելացի» անասնաշենքերի կառուցման կամ վերակառուցման և դրանց տեխնոլոգիական ապահովման աջակցության 2025-2028 թվականների ծրագրում։
Մասնավորապես սահմանվել է, որ նշված նպատակով վարկերի տրամադրումը պետք է իրականացվի փուլային եղանակով՝ ըստ ավարտական 1-ին, 2-րդ և 3-րդ փուլերում իրականացված ծախսերի։ Հստակեցվել է ծրագրին մասնակցության համար տնտեսավարողի կողմից ՀՀ էկոնոմիկայի նախարարություն ներկայացվող փաստաթղթերի ցանկը և պայմանագրում պարտադիր ամրագրման ենթակա դրույթները։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։