Փոփոխություն հաշվարկային փաստաթղթերի դուրս գրման, անվավեր ճանաչման և չեղարկման կարգում

Հարգելի գործընկերներ․
ՀՀ Կառավարության որոշմամբ փոփոխություն է կատարվել «Հաշվարկային փաստաթղթերի դուրսգրման, անվավեր ճանաչման, չեղարկման կարգը և ոչ էլեկտրոնային եղանակով հաշվարկային փաստաթղթերի դուրսգրման դեպքերը սահմանելու մասին» N1257-Ն որոշման մեջ:
Մասնավորապես, հաշվարկային փաստաթղթերի համակարգի «վեբ» տարբերակի ներդրմամբ պայմանավորված սահմանվել են համապատասխան իրավական հիմքեր՝ հաշվարկային փաստաթղթերի համակարգի «վեբ» տարբերակի ներդրման շրջանակներում էլեկտրոնային եղանակով հաշվարկային փաստաթղթերի դուրսգրման գործընթացի իրականացման համար։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։