Փոփոխություններ անհատական և հրապարակային ծանուցումների ներկայացման կարգում

Հարգելի գործընկերներ.
2026 թվականի հունվարի 1-ից փոփոխություններ են կատարվել ինտերնետով հրապարակային և անհատական ծանուցումների ներկայացման կարգում։
Մասնավորապես սահմանվել է, որ անձանց ծանուցումներն իրականացվում են էլեկտրոնային եղանակով` հարկային մարմնի հաշվետվությունների ներկայացման էլեկտրոնային կառավարման համակարգի անձնական էջում տեղադրելու միջոցով կամ անձի պաշտոնական էլեկտրոնային փոստում տեղադրելու միջոցով: Եթե իրավաբանական անձին կամ անհատ ձեռնարկատիրոջն ուղարկված ծանուցումը տեղադրվելուց երեք օր հետո բացակայում է հարկային մարմնի հաշվետվությունների ներկայացման էլեկտրոնային կառավարման համակարգի անձնական էջ մուտք գործելու վերաբերյալ էլեկտրոնային հավաստումը, ապա ծանուցումն իրականացվում է հրապարակային ծանուցման միջոցով։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։