Փոփոխություններ բարձր տեխնոլոգիաների ոլորտի պետական աջակցության տրամադրման կարգում

Հարգելի՛ գործընկերներ․
2026 թվականի մայիսի 30−ից ուժի մեջ են մտել բարձր տեխնոլոգիաների ոլորտի պետական աջակցության տրամադրման կարգում կատարված փոփոխությունները։ Մասնավորապես, փոփոխությունների համաձայն՝ բարձր տեխնոլոգիաների ոլորտի տնտեսավարող սուբյեկտին աջակցություն այլևս չի տրամադրվելու քաղաքացիարավական պայմանագրով աշխատանք կատարող աշխատողների, ինչպես նաև վարձու աշխատող աշխատանքային միգրանտի համար։ Բացի այդ եկամտային հարկի 10 տոկոս դրույքաչափով հարկման առանձնահատկություն ունեցող աշխատողների մասով փոփոխվել է նաև պետական աջակցության չափի հաշվարկման մոտեցումը:
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։