Փոփոխություններ եկամտային հարկի հաշվարկման և վճարման կարգում

Հարգելի գործընկերներ․
2023 թվականի ապրիլի 14-ից փոփոխություններ են կատարվել եկամտային հարկի հաշվարկման և վճարման կարգում, մասնավորապես՝ փոխվել է այն ժամկետը, որի ընթացքում համարվում է, որ ֆիզիկական անձը եկամուտ չի ստացել, երբ բանկի կամ վարկային կազմակերպության սեփականությանն անցած՝  գրավադրված գույքը բանկի կամ վարկային կազմակերպության կողմից այնուհետև օտարվում է նախկին սեփականատիրոջը: Փոխվել է նաև ֆիզիկական անձանց կողմից հաշվետու տարվա համար հաշվարկված եկամտային հարկի գումարները պետական բյուջե վճարելու վերջնաժամկետը։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։