Փոփոխություններ Երևան քաղաքում արտաքին գովազդի տեղադրման կանոններում

Հարգելի գործընկերներ.
Երևան քաղաքի ավագանու որոշմամբ փոփոխություններ են կատարվել Երևան քաղաքի քաղաքային նշանակության գովազդային գոտում արտաքին գովազդ և արտաքին գովազդի միջոց տեղաբաշխելու (տեղադրելու) թույլտվություների տրամադրման կանոններում։ Մասնավորապես, սահմանվել է, որ որոշումն ուժի մեջ մտնելուց հետո Երևան քաղաքում գովազդ տեղադրելու (այդ թվում՝ տրանսպորտային միջոցի վրա) թույլտվություն ստանալու համար դիմումները պետք է ներկայացվեն էլեկտրոնային եղանակով՝ http://www.xn--gvazd-lkg.yerevan.am/ կայքի միջոցով, ինչպես նաև սահմանվել են գովազդի տեղադրման որոշ սահմանափակումներ:
Որոշումն ուժի մեջ է մտել 2025 թվականի սեպտեմբերի 16-ից։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։