Փոփոխություններ Երևան քաղաքում ավտոմատ ինքնասպասարկող սարքերի տեղադրման կանոններում

Հարգելի գործընկերներ.
Երևան քաղաքի ավագանու որոշմամբ փոփոխություններ են կատարվել Երևան քաղաքի վարչական տարածքում ավտոմատ ինքնասպասարկող սարքերի տեղադրման կանոններում։ Մասնավորապես, սահմանվել է, որ մի շարք վայրերում փողոցներին հարող բակային տարածքներում այսուհետ արգելվում է ավտոմատ ինքնասպասարկող սարքերի տեղադրումը։ Շենքերից, շինություններից դուրս անիվների վրա գտնվող շարժական վճարային տերմինալների տեղադրման մասով սահմանվել են որոշակի բացառություններ:
Որոշումն ուժի մեջ է մտել 2026 թվականի մայիսի 1-ից։ Գործող թույլտվությունների մասով որոշման դրույթները կիրառվելու են 2027 թվականի հունվարի 1-ից:
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։