Փոփոխություններ՝ գյուղատնտեսության ոլորտի պետական աջակցության ծրագրերի իրականացման ընթացակարգերում

Հարգելի գործընկերներ․
ՀՀ կառավարության որոշմամբ Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների ծրագրի գործողության ժամկետը երկարացվել է մինչև 2025 թվականը։ Ծրագրի շրջանակներում 2024 թվականի փետրվարի 10-ից թույլատրվում է նաև արտարժույթով վարկերի տրամադրումը։ Ընդլայնվել է մշակաբույսերի շրջանակը և հստակեցվել է թերությունների հայտնաբերման դեպքում շահառուի իրավունքները և պարտավորությունները։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։