Փոփոխություններ պեստիցիդների և ագրոքիմիկատների շրջանառության ոլորտում

Հարգելի գործընկերներ.
«Բուսասանիտարիայի մասին» և «Սննդամթերքի անվտանգության պետական վերահսկողության մասին» ՀՀ օրենքներում կատարված փոփոխություններով սահմանվել է, մասնավորապես, պեստիցիդների և ագրոքիմիկատների ներմուծման կամ արտահանման եզրակացություն տալու նոր կարգ, որն ուժի մեջ է մտնելու 2025 թվականի հունիսի 3-ից։
Միաժամանակ, «Գործունեության իրականացման ծանուցման մասին» ՀՀ օրենքում կատարված փոփոխությամբ պեստիցիդների և ագրոքիմիկատների արտադրությունը և վաճառքը սահմանվել է որպես ծանուցման ենթակա գործունեություն և, այդ փոփոխությամբ պայմանավորված, համապատասխան փոփոխություններ են կատարվել նաև «Պետական տուրքի մասին» ՀՀ օրենքում։
Փոփոխություններն ուժի մեջ են մտնելու 2025 թվականի օգոստոսի 3-ից։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։