Փոփոխություններ վտանգավոր թափոնների գործածության գործունեության լիցենզավորման կարգում

Հարգելի գործընկերներ.
Հայաստանի Հանրապետության կառավարության որոշմամբ փոփոխություններ են կատարվել Հայաստանի Հանրապետությունում վտանգավոր թափոնների գործածության գործունեության լիցենզավորման կարգում։ Մասնավորապես, սահմանվել է, որ տնտեսավարող սուբյեկտները լիցենզավորման համար անհրաժեշտ փաստաթղթերը լիազոր մարմին են ներկայացնում, իսկ լիազոր մարմինը լիցենզիա և լիցենզիայի ներդիր է տրամադրում բացառապես էլեկտրոնային եղանակով շրջակա միջավայրի կառավարման ոլորտի թվային ծառայությունների հարթակի միջոցով։
Փոփոխություններն ուժի մեջ են մտնելու 2026 թվականի հուլիսի 9-ից։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։