Պլաստիկ արտադրանքի շրջանառության նոր սահմանափակումների մասին

Հարգելի գործընկերներ.
«Առևտրի և ծառայությունների մասին» օրենքում կատարված փոփոխության համաձայն 2027 թվականի հունվարի 1-ից ուժի մեջ են մտնում պլաստիկ արտադրանքի շրջանառության նոր սահմանափակումներ։ Մասնավորապես, արգելվում է առևտրի և հանրային սննդի օբյեկտներում, առևտրի իրականացման վայրերում, շրջիկ առևտրի կետերում, ինչպես նաև բացօթյա առևտրի իրականացման վայրերում՝ պոլիէթիլենային պարկերի ու տոպրակների, մեկանգամյա օգտագործման պլաստիկ արտադրանք հանդիսացող տարաների, ափսեների, բաժակների, և սպասքի այլ պարագաների առկայությունը կամ օտարումը, բացառությամբ օրենքով սահմանված դեպքերի: Միաժամանակ, վերոնշյալ ապրանքների առկայության կամ օտարման համար սահմանվել է վարչական պատասխանատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։