Սննդի արդյունաբերությունում օգտագործվող տարաների արտադրության համար նախատեսված լաքերի և ներկերի ներմուծման սակագնային քվոտա սահմանելու մասին

Հարգելի գործընկերներ.
Համաձայն ՀՀ կառավարության որոշման՝ 2024 թվականի փետրվարի 24-ից Հայաստանի Հանրապետության տարածք «Բացթողում՝ ներքին սպառման համար» մաքսային ընթացակարգով ԵԱՏՄ ԱՏԳ ԱԱ 3208 90 190 9 և 3208 90 910 9 ծածկագրերին դասվող սննդի արդյունաբերությունում օգտագործվող պահածոյացման տարաների մետաղական կափարիչների արտադրության համար նախատեսված լաքերի և ներկերի ներմուծման դեպքում կիրառվելու է մաքսատուրքի 0 տոկոս դրույքաչափ՝ սահմանված քվոտայից ոչ ավելի ծավալով։
Որոշմամբ սահմանվել են նաև մաքսատուրքի սակագնային արտոնության կիրառման նպատակով մաքսային մարմին ներկայացվող փաստաթղթերը:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։