Ճանապարհային հարկի վճարումից ազատման արտոնության կիրառման մասին

Հարգելի՛ գործընկերներ․
ՀՀ կառավարության որոշմամբ սահմանվել է բեռնատար տրասպորտային միջոցների գրանցման այն երկրները և տեսակները, որոնց մասով փոխադարձության սկզբունքով կիրառվելու է ճանապարհային հարկից ազատման արտոնություն: Սահմանվել է, որ արտոնությունը կիրառվելու է Սևծովյան տնտեսական համագործակցության կազմակերպության (ՍԾՏՀ) և Տրանսպորտի նախարարների եվրոպական կոնֆերանսի (ՏՆԵԿ) անդամ պետություններում գրանցված՝ մինչև 44 տոննա թույլատրելի առավելագույն զանգված ունեցող այն բեռնատար ավտոտրանսպորտային միջոցների համար, որոնք «BSEC Permit» կամ «CEMT» թույլտվություններով իրականացնում են միջազգային բեռնափոխադրումներ և մուտք են գործում ՀՀ տարածք։
Արտոնությունը կիրառվում է առանց քանակական սահմանափակման։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։