Ծնողական ժամի սահմանման մասին

Հարգելի՛ գործընկերներ.
ՀՀ աշխատանքային օրենսգրքում կատարված փոփոխությունների համաձայն՝ 2026 թվականի հուլիսի 10-ից կիրառելի է «ծնողական ժամը»։ Այն տրամադրվում է աշխատողի դիմումի հիման վրա՝ երեխայի խնամքի, դաստիարակության կամ այլ պարտականությունների իրականացման համար։ Իրավունքից կարող են օգտվել մինչև 12 տարեկան երեխա (իսկ ֆունկցիոնալության ծանր կամ խորը սահմանափակումով երեխաների դեպքում՝ մինչև 18 տարեկան) ունեցող աշխատողները։
Ծնողական ժամը ներառվում է աշխատաժամանակում (ամբողջությամբ վարձատրվում է) և, կախված երեխաների թվից ու կարգավիճակից, կազմում է օրական 30 րոպեից մինչև 1 ժամ։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։