2025 թվականի լոլիկի մթերումների գործընթացի կազմակերպման միջոցառում
ՇԱՀԱՌՈՒՆԵՐ
Ծրագրի շահառու են համարվում տոմատի մածուկի արտադրությամբ զբաղվող լոլիկի մթերումներ իրականացնող կազմակերպություններին կամ անհատ ձեռնարկատերերին լոլիկ մատակարարող տնտեսությունները, որոնք զբաղվում են լոլիկի արտադրությամբ։
ԲՈՎԱՆԴԱԿՈՒԹՅՈՒՆ
2025 թվականի լոլիկի մթերումների գործընթացի կազմակերպման միջոցառման նպատակն է Հայաստանի Հանրապետությունում 2025 թվականին տնտեսությունների կողմից արտադրված լոլիկի բերքի իրացման գործընթացին աջակցելու նպատակով սուբսիդավորել տոմատի մածուկի արտադրությամբ զբաղվող լոլիկի մթերումներ իրականացնող տնտեսավարող սուբյեկտներին։ Հայաստանի Հանրապետությունում 2025 թվականին տոմատի մածուկի արտադրությամբ զբաղվող տնտեսավարող սուբյեկտներին լոլիկի մթերման համար սուբսիդավորում տրամադրվում է հետևյալ պայմաններով՝ 2000 տոննան գերազանցող մթերված լոլիկի յուրաքանչյուր 1 կգ-ի դիմաց տրամադրվում է 10.0 Հայաստանի Հանրապետության դրամի չափով սուբսիդավորում։