ՇԱՀԱՌՈՒՆԵՐ

Աջակցության ծրագրից կարող են օգտվել այն առևտրական (առք ու վաճառքի) գործունեություն իրականացնող շրջանառության հարկ վճարողները, որոնք միաժամանակ բավարարում են հետևյալ պայմաններին.
- 2024 թվականին իրականացրել են առևտրական (առք ու վաճառքի) գործունեություն,
- 2024 թվականի դեկտեմբերի 31-ի դրությամբ, ինչպես նաև աջակցության ստացման հաշվետու եռամսյակներում հանդիսացել են բացառապես շրջանառության  հարկ վճարողներ,
- ամբողջությամբ կատարել են 2025 թվականի 1-ին և 2-րդ եռամսյակների՝ պետական բյուջե վճարման ենթակա շրջանառության հարկի գծով պարտավորությունները,
- 2025 թվականի 1-ին և 2-րդ եռամսյակների արդյունքներով առևտրական գործունեության մասով պետական բյուջե վճարման ենթակա շրջանառության հարկի գումարը գերազանցում է առևտրական (առք ու վաճառքի) գործունեությունից ստացվող եկամուտների 5 տոկոսը կամ համապատասխան եռամսյակի արդյունքներով հարկային մարմին ներկայացված շրջանառության հարկի հաշվարկներով առկա է հայտարարագրված՝ նախորդ եռամսյակներում կատարված ծախսերի մասով հարկի գումարից չնվազեցված և փոխանցված գումար։
- դիմումի հետ միաժամանակ հարկային մարմին են ներկայացրել առևտրական (առք ու վաճառքի) գործունեության մասով 2025 թվականի հունվարի 1-ի դրությամբ ապրանքային մնացորդի մասին տեղեկություններ։

ԲՈՎԱՆԴԱԿՈՒԹՅՈՒՆ

Ծրագրի շրջանակում աջակցությունը տրամադրվում է 2025 թվականի 1-ին և 2-րդ եռամսյակների համար: Այն տրամադրվում է առևտրական (առք ու վաճառքի) գործունեության մասով պետական բյուջե վճարման ենթակա շրջանառության հարկի գումարի և նույն ժամանակաշրջանում այդ գործունեության մասով ձևավորվող հարկման բազայի՝
1) 5 տոկոսը կազմող գումարի դրական տարբերության չափով,
2) 1.5 տոկոսը կազմող գումարի դրական տարբերության չափով, եթե առկա է նախորդ եռամսյակներում կատարված ծախսերի մասով հարկի գումարից չնվազեցված և փոխանցված գումար: Ընդ որում, նշված լրացուցիչ աջակցության գումարը չի կարող գերազանցել մինչև 2025 թվականի հունվարի 1-ը կատարված ձեռքբերումների հաշվին ձևավորված՝ հարկի գումարից չնվազեցված և փոխանցված գումարի 1.375-ապատիկը:

https://www.arlis.am/DocumentView.aspx?DocID=203625

ՍԱՀՄԱՆԱՓԱԿՈՒՄՆԵՐ

Սահմանափակումներ չկան։