ՇԱՀԱՌՈՒՆԵՐ

Ծրագրում կարող են ընդգրկվել 1-ին կամ 2-րդ խմբի հաշմանդամություն ունեցող անձինք և 63-ից բարձր տարիք ունեցող անձինք, որոնք ՀՀ-ում զբաղված չեն որևէ գործունեությամբ (վարձու աշխատանք, քաղաքացիարավական պայմանագիր, անհատ ձեռնարկատիրական և նոտարի գործունեություն, ժամկետային պարտադիր զինվորական ծառայություն, ուսումնական հաստատություններում, մասնագիտական ուսուցման դասընթացներում և ուսուցման այլ ձևերում առկա ուսուցում) և բավարարում են հետևյալ պայմաններին․

1) ըստ անձնավորված հաշվառման բազայի՝ վերջին երեք ամսվա ընթացքում չեն ունեցել հաշվարկված և վճարված աշխատավարձ կամ դրան հավասարեցված այլ վճարումներ

2) վերջին երեք տարվա ընթացքում աշխատանքային հարաբերությունների մեջ չեն գտնվել թափուր աշխատատեղ ներկայացրած գործատուի հետ։

ԲՈՎԱՆԴԱԿՈՒԹՅՈՒՆ

Գործատուի, շահառուի և տարածքային կենտրոնի միջև՝ գործատուին աջակցություն տրամադրելու մասին եռակողմ պայմանագիրը կնքելուց հետո երկու աշխատանքային օրվա ընթացքում գործատուն ՀՀ աշխատանքային օրենսդրությամբ սահմանված կարգով շահառուի հետ կնքելու է առնվազն 3-6 ամիս ժամկետով աշխատանքային պայմանագիր (այդ թվում նաև ոչ լրիվ աշխատաժամանակի ռեժիմով)։
Ծրագրի շրջանակում գործատուին տրամադրվում է շահառուի աշխատավարձից հաշվարկված և վճարված եկամտային հարկի փոխհատուցում՝
1) աշխատանքային գործունեության առաջին երեք ամսվա համար՝ 50 %-ի չափով, բայց ոչ ավելի, քան ամսական 25 000 դրամը.
2) աշխատանքային գործունեության 4-6-րդ ամիսների համար՝ 100 %-ի չափով, բայց ոչ ավելի, քան 50 000 դրամը։
Փոխհատուցումը տրամադրելուց հետո շահառուի և գործատուի միջև աշխատանքային հարաբերությունները ևս մեկ տարի շարունակվելու դեպքում գործատուին կտրամադրվի միանվագ աջակցություն՝ 100 000 դրամի չափով։
Ծրագիրը մեկնարկում է 2027 թվականի հունվարի 1-ից և տարածվում է մինչև 2027 թվականի դեկտեմբերի 30-ը կնքված պայմանագրերի վրա։

https://arlis.am/hy/acts/226755/latest

ՍԱՀՄԱՆԱՓԱԿՈՒՄՆԵՐ

Աջակցություն ստանալու իրավունք չունեն․

1) հանրային ծառայություն իրականացնող մարմինները,

2) այն կազմակերպությունները, որոնց կանոնադրական կապիտալում պետության կամ համայնքի մասնակցությունը կազմում է 50 և ավելի տոկոս։