Փոփոխություններ՝ քաղաքացիական և ծառայողական զենքին առնչվող օրենսդրական կարգավորումներում

Հարգելի գործընկերներ․
2024 թվականի փետրվարի 15-ից ուժի մեջ են մտել նոր օրենսդրական կարգավորումներ, որոնցով քաղաքացիական և ծառայողական զենքի հավաքածու կազմելու համար տրամադրվող թույլտվությունների համար սահմանվել են ժամկետային սահմանափակումներ:
Միաժամանակ, Վարչական իրավախախտումների վերաբերյալ ՀՀ օրենսգրքում կատարված փոփոխությունների համաձայն՝ 2024 թվականի փետրվարի 15-ից քաղաքացիական և ծառայողական զենքի արտադրության, հրազենի հիմնական բաղկացուցիչ մասեր, փամփուշտներ ձեռք բերելու, ինչպես նաև դրանք օգտագործելու պարտադիր պահանջները կամ պայմանները խախտելու համար սահմանվել են տուգանքների նոր մեծություններ։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։