Շրջակա միջավայրի վրա ազդեցության գնահատման և փորձաքննության համար սահմանված պետական տուրքի և վարչական պատասխանատվության մասին

Հարգելի գործընկեր․
«Լիցենզավորման մասին» ՀՀ օրենքում կատարված փոփոխությամբ՝ 2024 թվականի հունվարի 1-ից շրջակա միջավայրի վրա ազդեցության գնահատման կամ ռազմավարական էկոլոգիական գնահատման հաշվետվության մշակում գործունեությունը սահմանվել է որպես լիցենազվորման ենթակա գործունեության տեսակ:
Միաժամանակ, շրջակա միջավայրի վրա ազդեցության գնահատման կամ ռազմավարական էկոլոգիական գնահատման հաշվետվության մշակման լիցենզիայի տրամադրման համար սահմանվել է պետական տուրք, իսկ շրջակա միջավայրի վրա ազդեցության գնահատման և փորձաքննության ենթակա նախատեսվող գործունեության իրականացումն առանց փորձաքննական դրական եզրակացության կամ օրենքի ուժով բացասական եզրակացություն ստացած հաշվետվության կամ փորձաքննական բացասական եզրակացության առկայության համար նախատեսվել է վարչական պատասխանատվություն:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։