2024 թվականի հոկտեմբերի 17-ին, տեղի ունեցավ ԱԺ տնտեսական հարցերի մշտական հանձնաժողովին կից ՓՄՁ աշխատանքային խմբի թիվ 10-րդ արտագնա նիստը

ՓՄՁ Ասոցիացիայի նախաձեռնությամբ, հոկտեմբերի 17-ին, տեղի ունեցավ ԱԺ տնտեսական հարցերի մշտական հանձնաժողովին կից ՓՄՁ աշխատանքային խմբի թիվ 10-րդ արտագնա նիստը։
Նիստը վարում էր ԱԺ տնտեսական հարցերի մշտական հանձնաժողովի փոխնախագահ Բաբկեն Թունյանը։
Նիստին մասնակցում էին հանձնաժողովի պատգամավորները, աշխատանքային խմբի անդամ ՔՀԿ ներկայցուցիչներ՝

• ՓՄՁ Ասոցիացիայի նախագահ Հակոբ Ավագյանը,
• Հայաստանի տրանսպորտային առաքողների միության նախագահ Եղիշե Հովհաննսիյանը,
• Երևանի առևտրաարդյունաբերական պալատի ներկայացուցիչ Անի Հովհաննիսյանը,
• Հայաստանի Հաշվապահների Ասոցիացիայի նախագահ Վահագն Համբարձումյանը,
• ՀԲԿ ներկայացուցիչ Գագիկ Պողոսյանը,
• Հայաստանի գյուղատնտեսական դաշինքի ներկայացուցիչ Արթուր Գոմկցյանը։

Հանդիպմանը մասնակցում էին նաև Ասոցիացիայի խորհրդի անդամները, փորձագետներ, հյուրեր։
Օրակարգում էր ՓՄՁ-ներին վերաբերող օրենսդրական փոփոխությունների ազդեցության գնահատման մեխանիզմներն ու դրանց կիրառությունը, վերջին շրջանում ընդունված հարկային օրենսդրության վատթարացնող նորմերը, բիզնես միությունների անդամների կողմից վճարվող անդամավճարների խրախուսման մեխանիզմները։