15.06.2026
Հունիսի 15-ին տեղի ունեցավ ՀՀ արդարադատության նախարարին կից հասարակական խորհրդի 2-րդ նիստը, որին Հայաստանի Հաշվապահների Ասոցիացիայից մասնակցեց Քրիստինե Ղասումյանը։
Նախարար Սրբուհի Գալյանը ներկայացրեց արդարադատության ոլորտի 7-ամյա ռազմավարության նախագծի նպատակները և կարևորեց խորհրդի անդամների առաջարկների քննարկումը։
Այսպիսով, նոր ռազմավարությունը ներառում է 5 հիմնական նպատակ՝ միավորելով
- դատաիրավական,
- մարդու իրավունքների,
- հակակոռուպցիոն,
- քրեակատարողական և պրոբացիայի ոլորտների բարեփոխումները,
- իրավապահ համակարգի բարեփոխումների ուղղությունը։
Քննարկմանը հաջորդեց հարցուպատասխանը, որի ընթացքում խորհրդի անդամները հնարավորություն ունեցան ներկայացնելու իրենց հարցերն ու դիտարկումները։
Ասոցիացիան կարևորում է հասարակական խորհրդի ձևաչափով ոլորտային քննարկումներին մասնակցությունը՝ նպաստելով մասնագիտական համայնքի դիտարկումների և առաջարկությունների ներկայացմանը։