Հայաստանի Հանրապետությունում ջերմատնային տնտեսությունների զարգացման աջակցության ծրագիր
ՇԱՀԱՌՈՒՆԵՐ
Գյուղատնտեսության ոլորտում տնտեսավարողները՝ ֆիզիկական և իրավաբանական անձինք, անհատ ձեռնարկատերերը:
ԲՈՎԱՆԴԱԿՈՒԹՅՈՒՆ
Հայաստանի Հանրապետությունում ջերմատնային տնտեսությունների զարգացման աջակցության ծրագրի հիմնական նպատակն է նպաստել հանրապետությունում ջերմատնային տնտեսությունների մակերեսի, արտադրության և արտահանման ծավալների ավելացմանը, արտադրանքի մրցունակության մակարդակի բարձրացմանը, գյուղատնտեսությունում տնտեսավարողների եկամուտների ավելացմանը՝ պետական աջակցությամբ տնտեսավարողներին մատչելի վարկային ռեսուրսներ տրամադրելու միջոցով։ Ծրագիրը իրականացվելու է 2023-2026 թվականներին և ընդգրկելու է Հայաստանի Հանրապետության բոլոր մարզերը։ Յուրաքանչյուր շահառուին տրամադրվող վարկի գումարը հաշվարկվում է՝ ելնելով ջերմատան մակերեսից։ Ծրագրի շրջանակում յուրաքանչյուր շահառուի կողմից հիմնվող ջերմատան առավելագույն մակերեսի սահմանափակում չի նախատեսվում։
https://www.arlis.am/DocumentView.aspx?docid=204484