Համաժողովներ

2018 թվականի նոյեմբերի 10-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության 5-րդ համաժողովը:
Համաժողովին ներկա էին Ասոցիացիայի 386 անդամները: Բացման խոսքով հանդես եկավ Ասոցիացիայի նախագահ Վահագն Համբարձումյանը, ով իր ողջույնի խոսքում շնորհակալություն հայտնեց տարիներ շարունակ քրտնաջան աշխատանք կատարած հաշվապահներին՝ շեշտելով նրանց կատարած աշխատանքի կարևորությունը: 
Վահագն Համբարձումյանը, շնորհավորելով Հաշվապահների միջազգային օրվա առթիվ, կոչով դիմեց բոլոր հաշվապահներին, որ միայն ու միայն աշխատասեր մարդու աչքերով նայեն առաջ, կրեն և՛ հարկ վճարողի շահերի պաշտպանի կոչումը, և՛ ի շահ պետության մտածելակերպի քարոզչի կոչումը։
Համաժողովի ընթացքում ներկայացվեց Ասոցիացիայի 4 տարիների գործունեության և գույքի օգտագործման հաշվետվությունը:
Ողջույնի խոսքով հանդես եկավ ՀՀ գործատուների հանրապետական միության նախագահ Գագիկ Մակարյանը: Նա ներկայացրեց Ասոցիացիայի դերն ու նշանակությունը գործատուների կյանքում: ՀՀ ՓՄՁ ԶԱԿ գործադիր տնօրենի տեղակալ Կարեն Գևորգյանը ներկայացրեց Ասոցիացիայի դերն ու նշանակությունը ՓՄՁ-ների գործունեությունում: Ելույթներով հանդես եկան նաև Հաշվապահների և աուդիտորների ասոցիացիայի նախագահ Հովհաննես Պետրոսյանը, Եղեգնաձորի, Սիսիանի և Արմավիրի հաշվապահական հաշվառման գրասենյակների տնօրենները:
Համաժողովի երկրորդ մասում տեղի ունեցավ քվեարկություն, որտեղ բացարձակ կողմ ձայներով հաստատվեց Ասոցիացիայի չորս տարվա գործունեության և գույքի օգտագործման հաշվետվությունը: Բացարձակ կողմ ձայներով Հայաստանի Հաշվապահների Ասոցիացիայի նախագահ վերընտրվեց Վահագն Համբարձումյանը: Ընտրվեց նաև Ասոցիացիայի խորհրդի նոր կազմ և վերստուգիչ:

2017 թվականի սեպտեմբերի 15-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) չորրորդ համաժողովը, որի օրակարգային հարցն էր.

1. «ՀՀԳ ԿԱՌԱՎԱՐԻՉ» սահմանափակ պատասխանատվությամբ ընկերության 100 տոկոս բաժնեմասի ձեռքբերման հաստատում։

Համաժողովն իրավազոր էր, որի մասնակիցները բաց քվեարկությամբ միաձայն կողմ քվեարկեցին փոփոխված կետերի հաստատմանը։
Ասոցիացիայի մարզային անդամները համաժողովին մասնակցեցին հեռավար ռեժիմով։

2017 թվականի մայիսի 23-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) երրորդ համաժողովը, որի օրակարգային հարցերն էին.

1. Կազմակերպության գտնվելու վայրի փոփոխության և նոր խմբագրությամբ կանոնադրության հաստատում
2. Նոր խմբագրությամբ կանոնադրության հաստատում:

Համաժողովն իրավազոր էր, որի մասնակիցները բաց քվեարկությամբ միաձայն կողմ քվեարկեցին փոփոխված կետերի հաստատմանը։
Ասոցիացիայի մարզային անդամները համաժողովին մասնակցեցին հեռավար ռեժիմով։

2016 թվականի դեկտեմբերի 17-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) երկրորդ համաժողովը, որի օրակարգային հարցերն էին.

1. Հասարակական կազմակերպության գործունեության և գույքի օգտագործման հաշվետվությունների հաստատում
2. Ասոցիացիայի նախագահի հաշվետվություն
3. Հասարակական կազմակերպության Խորհրդի անդամների կազմի փոփոխում
4. ՓՄՁ ԶԱԿ հիմնադրամի և Ասոցիացիայի համագործակցություն
5. Ասոցիացիայի դերն ու նշանակությունը գործատուների կյանքում
6. Ասոցիացիայի դերն ու նշանակությունը հարկ վճարողների շահերի պաշտպանության ենթատեքստում
7. Ասոցիացիայի դերը անդամ հաշվապահների գործունեության կազմակերպման համատեքստում
8. Ասոցիացիայի դերը հարկ վճարողների գործունեության համատեքստում
9. Ասոցիացիայի դերը պետություն - բիզնես հարաբերություններում:

Համաժողովին ներկա էին Ասոցիացիայի 367 անդամները:

2014 թվականի հոկտեմբերի 14-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) առաջին համաժողովը, որի օրակարգային հարցերն էին.

1. Հասարակական կազմակերպության հիմնադրման հարցի քննարկում,
2. Հասարակական կազմակերպության կանոնադրության հաստատման հարցի քննարկում,
3. Հասարակական կազմակերպության նախագահի ընտրության հարցի քննարկում,
4. Հասարակական կազմակերպության խորհրդի ընտրություն,
5. Վերստուգիչ հանձնաժողովի անդամների ընտրության հարցի քննարկում։

Համաժողովն իրավազոր էր, որի մասնակիցները բաց քվեարկությամբ միաձայն կողմ քվեարկեցին փոփոխված կետերի հաստատմանը։
Ասոցիացիայի մարզային անդամները համաժողովին մասնակցեցին հեռավար ռեժիմով։