Համաժողովներ

Հուլիսի 26-ին «ԴաբլԹրի Բայ Հիլթն Երևան Սիթի Սենթր» հյուրանոցի «Երևան» սրահում տեղի ունեցավ «Հայաստանի Հաշվապահների Ասոցիացիա» հասարակական կազմակերպության քսանիններորդ արտահերթ համաժողովը։
Մինչ համաժողովի օրակարգային հարցերին անցնելը Ասոցիացիայի Խորհրդի անդամ Վահագն Համբարձումյանը Ասոցիացիայի անունից շնորհավորեց Իջևան քաղաքում գործող «Ֆինօպտիմա Սոլուշնս» հաշվապահական հաշվառման գրասենյակի աշխատակից, Ասոցիացիայի անդամ Արթուր Մարգարյանին ծննդյան տարեդարձի և Արմավիր քաղաքում գործող «Պրոֆհաշ Խորհրդատվական Կենտրոն» հաշվապահական ընկերության տնօրեն, Ասոցիացիայի անդամ Ասյա Պողոսյանին ամուսնության կապակցությամբ։

Այնուհետև Ասոցիացիայի նախագահ Հերմինե Թովմասյանը ներկայացրեց համաժողովի օրակարգային հարցերը.
1. 2025-2030թթ. ռազմավարական հարցերի քննարկում,
2. Խորհրդի անդամի լիազորությունների վաղաժամկետ դադարեցում,
3. Խորհրդի կազմում երկու նոր անդամների ընտրություն,
4. Խնդիրների և առաջարկների քննարկում։
Համաժողովը կայացավ պատվիրակների միջոցով։
Համաժողովն իրավազոր էր, որի պատվիրակները (թվով 116, որից ներկա` 108) բաց քվեարկությամբ միաձայն կողմ քվեարկեցին օրակարգում ներառված հարցերին։

Հայաստանի Հաշվապահների Ասոցիացիան իր գործընկերների և գործընկերների հաճախորդների բիզնեսին առնչվող հարակից ծառայությունների և այլ պրոդուկտների տրամադրման հասանելիության և մատչելիության ապահովման նպատակով համաժողովի վերջին հատվածում կազմակերպեց պանելային քննարկում, որի հյուրերն էին «Պետգնումների կենտրոն» ՍՊԸ-ի տնօրեն Արմեն Մարտիրոսյանը և «Պողոսյան, Կիրակոսյան և գործընկերներ իրավաբանական գրասենյակ» ՍՊԸ-ի ներկայացուցիչ Ռաֆայել Նահապետյանը։ Ասոցիացիայի անդամները բարձրաձայնեցին իրենց հետաքրքրող հարցերը և ստացան սպառիչ պատասխաններ։

Շնորհակալություն ենք հայտնում բոլոր ներկաներին ակտիվ մասնակցության և մեր գործընկերներին` համագործակցության և վստահության համար։

Հունվարի 25-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության քսանութերորդ արտահերթ համաժողովը, որի օրակարգային հարցերն էին.

1. 2025-2030թթ. ռազմավարական հարցերի քննարկում,
2. Օրենսդրական վերջին փոփոխությունների ներկայացում,
3. Խնդիրների և առաջարկների քննարկում։

Համաժողովը կայացավ պատվիրակների միջոցով։
Համաժողովն իրավազոր էր, որի պատվիրակները (թվով 114, որից ներկա` 108, բացակա՝ 6) բաց քվեարկությամբ միաձայն կողմ քվեարկեցին օրակարգում ներկայացված հարցերին։

Հունվարի 22-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության քսանյոթերորդ արտահերթ համաժողովը, որի օրակարգային հարցերն էին.

1. Ասոցիացիայի Խորհրդի անդամի լիազորությունների վաղաժամկետ դադարեցում,
2. Ասոցիացիայի Խորհրդի կազմում նոր անդամի ընտրություն։

Համաժողովն իրավազոր էր, որի մասնակիցները (թվով 390, որից 45-ը` առկա, 345-ը` հեռավար) բաց քվեարկությամբ միաձայն կողմ քվեարկեցին օրակարգում ներկայացված հարցերին։
Համաժողովին հեռավար ռեժիմով մասնակցեցին նաև Ասոցիացիայի մարզային անդամները:

Ս.թ. նոյեմբերի 16-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության 26-րդ արտահերթ համաժողովը և Ասոցիացիայի հիմնադրման տասնամյակին նվիրված հանդիսավոր արարողությունը:
Միջոցառմանը հրավիրված էին ՀՀ էկոնոմիկայի նախարարի տեղակալ Սևակ Միքայելյանը, ՀՀ ԱՍՀ նախարարի տեղակալ Ռուբեն Սարգսյանը, ԱԺ փոխնախագահի խորհրդական Սերգեյ Մուրադյանը, ՎԶԵԲ-ի Հայաստանի ներդրումային խորհրդի ղեկավար Հովսեփ Պատվականյանը, Հայաստանի աուդիտորների և փորձագետ հաշվապահների պալատի նախագահ Թաթուլ Մովսիսյանը, ինչպես նաև ներկայացուցիչներ այլ պետական մարմիններից, հասարակական կազմակերպություններից, ուսումնական հաստատություններից և գործընկեր կառույցներից։
Համաժողովին մասնակցում էին Ասոցիացիայի 405 անդամներից 393-ը` ապահովելով 97% մասնակցություն։
Շնորհավորական ուղերձով հանդես եկավ Ասոցիացիայի նախագահ Վահագն Համբարձումյանը, ով շնորհակալություն հայտնեց մասնակիցներին միջոցառմանը ներկա գտնվելու համար:
Բաց քվեարկությամբ համաժողովի նախագահ ընտրվեց Վահագն Համբարձումյանը, քարտուղար` Հերմինե Թովմասյանը, իսկ հաշվիչ հանձնաժողովի անդամներ` Սիրանուշ Ներսիսյանը, Արմինե Գրիգորյանը և Անի Բադիկյանը, ինչպես նաև հաստատվեցին համաժողովի օրակարգային հարցերը։
Օրակարգում ներառված առաջին հարցը Ասոցիացիայի տասը տարվա գործունեության հաշվետվությունն էր, որի շրջանակներում Վահագն Համբարձումյանը ներկայացրեց Ասոցիացիայի հիմնադրման պատմությունը, առաքելությունը և արժեքները, իրականացրած նախագծերը, ոլորտի զարգացմանն ուղղված նախաձեռնությունները, համագործակցությունները, տարիների ընթացքում ձեռք բերած նվաճումները և ապագա տարիների տեսլականը։
Նախագահը շնորհակալություն հայտնեց Ասոցիացիայի անդամ հաշվապահներին՝ ընդգծելով նրանց ներդրումը Ասոցիացիայի կայացման և առաքելության իրագործման ճանապարհին:
Համաժողովի երկրորդ հատվածում կազմակերպվեց ակտիվ հարցուպատասխան, որի ընթացքում ներկաներն Ասոցիացիայի նախագահին ուղղեցին իրենց հարցերը:
Միջոցառումն ամփոփվեց հյուրերի շնորհավորական ուղերձներով, ովքեր մաղթեցին Ասոցիացիայի շարունակական արգասաբեր գործունեություն և առաջընթաց` ի նպաստ մեր երկրի տնտեսության զարգացմանն ու Հայաստանի Հանրապետության հզորացմանը:

Ս.թ. նոյեմբերի 13-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) քսանհինգերորդ արտահերթ համաժողովը, որի օրակարգային հարցերն էին.

1. Ասոցիացիայի խորհրդի անդամի լիազորությունների վաղաժամկետ դադարեցում,
2. Ասոցիացիայի խորհրդի կազմում երեք նոր անդամների ընտրություն։

Համաժողովն իրավազոր էր, որի մասնակիցները (թվով 358, որից 47-ը` առկա, 311-ը` հեռավար) բաց քվեարկությամբ միաձայն կողմ քվեարկեցին օրակարգում ներկայացված հարցերին։
Համաժողովին հեռավար ռեժիմով մասնակցեցին նաև Ասոցիացիայի մարզային անդամները:

2024 թվականի սեպտեմբերի 4-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության (այսուհետ՝ Ասոցիացիա) քսանչորսերորդ արտահերթ համաժողովը, որի օրակարգային հարցերն էին.

1. Ասոցիացիայի խորհրդի երկու անդամների լիազորությունների վաղաժամկետ դադարեցում,
2. Ասոցիացիայի խորհրդի կազմում մեկ նոր անդամի ընտրություն։

Համաժողովն իրավազոր էր, որի մասնակիցները (թվով 323, որից 38-ը` առկա, 285-ը` հեռավար) բաց քվեարկությամբ միաձայն կողմ քվեարկեցին օրակարգում ներկայացված հարցերին։
Համաժողովին հեռավար ռեժիմով մասնակցեցին նաև Ասոցիացիայի մարզային անդամները: